افتتاح قسم النكت والتنكيت

تعلن شركات كوول للضحك والنعنشة عن انشاء احدث اقسام الضحك
قسم النكت والتنكيت يقدم خدمات على اعلى مستوى
ولمختلف الاذواق
هناك نكت مضحكة ونكت غير مضحكة ونكت غلسة ونكت تموت من الضحك
اتصل الان على الرقم 5644221899 وابقى قابلنى لو حد رد عليك geek

سعر الدخول :: نكتة واحدة على الاقل فى كل رد

صرصار بيجري وراة عشر صراصير ليييه؟؟
جاب جوووووون

______________________________________________________
ازاى نروح القمر بجنية و ربع ؟؟؟؟؟
اضرب ظابط يودينى ورا الشمس و بعدها اركب مكروباص بجنية وربع للقمر افتتاح قسم النكت والتنكيت Loool

_____________________________________________________

اتنين
محشيشين واقفين قدام مرايه من بعيد فا الاول بيقول للتانى ماتيجى نروح
نتعرف على الجووووز دول قله اشطه فامشيوا نحيتهم فاالتانى بيقوله اصبر
اصبر هما جايين علينا

____________________________________________________

واحد بيحب يجري و يجري مبيحبوش

_________________________________________________

واحد ركب الهوا اتنين ركبوا معاه

________________________________________

نقطة على الحيطة
دبانة
نقطتين
فيشة
3 نقط
دبانه و فيشة
اكتر من نقطة على الحيطة
بياض بتكم بيقع

________________________________________

كمبيوتر حران نعمل ايه؟
نسطب ويندوز يعنى شباك
لسه حران
نحطه تحت الدوس
لسه حران
نشربه ياهوووووووووووووو
لسه حران
نقفل الهوتمييييل

لسه حران نسطبله ديب فرييز

_____________________________________________

اتنين بيضربوا بعض بعض زعل منهم

واحد فشار بيحكي مغامراته لصاحبه الغلس
الفشار : كنت ماشي مره في الصحره طلع عليا اسد فضلت اجري اجري لغايه ما لقيت عماره طلعت فيها
الغلس : يا كداب هو في الصحرة في عماره
الفشار : اه اسف فضلت اجري اجري لغاية ما لقيت شجره طلعت فوقها
الغلس : قال له يا كداب هو في الصحرة في شجره
الفشار : اه اسف فضلت اجري اجري لغايه ما لقيت جراج دخلت فيه
الغلس : يا كداب هو في جراج في الصحرة
الفشار : فضلت اجري اجري لغاية ما أكلني ارتحت ؟
الغلس : يا كداب هو في اسد في الصحرة

واحد خرج من محطه القطر في الجيزه (قدام مجمع الجيزه) لقى واحد لابس بدله شيك قوي وواقف
محطه الاتوبيس ...... في واحده ست عجوزه جات قالتله : قولي يابني انا عايزه اروح شهاب
اركب ايه ؟ ....... الراجل الشيك : إركبي اتوبيس 923
شاب جه سأله : قولي يا استاذ انا عايز اروح لعبد المنعم رياض اركب ايه؟؟
الراجل الشيك : اركب اتوبيس 109
اجا صاحبنا بقى راح يسأله : قوللي يا بيه ... انا عايز اروح لعتريس ابن عمي اركب ايه

اتنين مساطيل طينة طلبت معاهم ان اول واحد هيعدى من الشارع
يقطعوا رقبته ويلعبوا بيها كورة فلقوا واحد معدى من الشارع اتارية مسطول اكتر منهم المهم وقفوه وقالوله احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا افسيها قبل ما تلعبوا بيها
Very Happy

مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف

قررت هيفا وهبي تقديم فوازير رمضان قبل الفطور عملا بمبدأ : من فطر صائما كان له مثل اجره

على فكرة هيفا هتعمل الفوازير فى رمضان فعلا

يه أول حاجة عملها نابليون أول ما حط رجله في مصر
.
.
.
.
.
.
.
.
.

حط رجليه التانية طبعاً

الف مبروووك لشركة كووول على الافتتاح الجديد
وعقبال ما تاخد الجودة

واحد حب يوقف اتوبيس لكنه ماوقفش ... فجرى وراه لحد ما وصل البيت فقال
لمراته افرحى النهارده انا وفرت 10قروش .... فقالت له يا خيبتك مش كنت
تجرى ورا تاكسى كنت وفرت تلاته جنيه

واحد غبي كل الناس بتقول له يا حمار ، فقام في مرة قال لهم بلاش كلمة حمار
دي سموني حاجة تانية فسموه جحش....فراح لمراته فرحان بيقول لها مش الناس
خلاص سموني جحش .. قالت له وهي غضبانة.....اتنيل م انت بكره تكبر وتبقي
حمار تاني

إيه الفرق بين الدبانة وفريق الكورة
.
.
.
.
.
.
.

الدبانة حشرة و فريق الكورة حداشر

يا بوتشى
خد هنا
انت ما دفعتش رسم الدخول
عليك غرامة نكتتين زيادة
ودى تمن الرد دا

حاجه بتعوم على المايه و اولها خ
خشبه
طيب حاجه اولها ق و بتعوم على المايه
قلنا خشبة
طيب حاجه اولها ب و بتعوم على المايه
برده خشبه
طيب حاجه اولها ح و بتعوم على المايه
حتت خشبه
طيب حاجه اولها م و بتعوم على المايه

مركب
هههههههههههههههههههههههههههههههههه

نكت عن المهن

واحد ميكانيكي فتح مصنع شيكولاتة سماه كالاكسى

واحد ندل اشتغل في المطافى عبا حنفيات الحريق بنزين

واحد تاكسجى نايم مراتة دخلت علية بالليل وقفلت الباب بشويش
صحى قال لها افتحية واقفلية تانى

مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها عشان أنا مش عارف

تلاته عمالين بيحششوا فى مزرعه فراخ طب عليهم البوليس استخبوا فى تلات شوالات جه الظابط شاط الشوال الاول برجله
قام الحشاش الاول عمل نفسه بط و قعد يكاكى راح الظابط سابه و راح عالشوال التانى و شاطه قام الحشاش اللى
جوه قعد يدن و يقلد صوت الديك الظابط سابه و راح عالشوال التالت برضه شاطه
برجله الحشاش التالت متكلمشى..شاطه تانى بس بالجامد برضه متكلمش قعد
الظابط يخبط فيه طلعله الحشاش يقوله بطاطس بطاطس انت مبتفهمش

واحد ماشى مع خطيبته واخر انسجام فقالها
"عارفة اية هو الحب واية الجواز؟" قالته "لا" ‏قالها: "الحب زى النجوم
الجميلة اللى فى السماء"قالتله"طب والجواز؟" قالها:"دى الحفرة اللى ‏واحنا
بنبص على النجوم بنقع فيها..

واحد متجوز وقاعد في البيت وبيبص كتير في عقد الزواج، مراته قالت له:
"بتبص في عقد الزواج ‏ليه يا حبيبي؟" قالها: "مش عارف يا حياتي المأذون
كتب تاريخ انتهاء العقد فين

مره واحده بتقول لجوزها "تصدق إن أنا كل يوم بحلم بيوم جوازنا" قالها "هى لسه الكوابيس دى ‏بتجيلك؟"

مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه قالوا
هتعمل إيه؟" ‏قالوا "هوديها الصين" قالوا "يا راجل فى عيد جوازكوا العاشر
توديها الصين، أومال فى عيد ‏جوازكوا الخمسة وعشرين هتعمل ايه؟" فقالوا
"هروح اخدها

موضوع: نكت حلوة الجمعة يوليو 17, 2009 12:34 am

حبة نكت عجب علي كيفك

مره واحد محمل فراخ وهوه معدي علي كمين سالوه الظابط محمل ايه قالو فراخ
يابيه قالو بتاكلهم ايه رد عليه السواق باكلهم علف ودره ام الظابط لا
الفراخ مايكلوش علف و دره دول بيكلو لانشون وبسطرمه وراح عملو مخالفه
غالسواق بعد مامشي جه عالكمين التاني فالظابط بيسالو محمل ايه قالو فراخ
يا باشا قالو بتاكلهم ايه قالو لانشون و بسطرمه قالو ازاي الفراخ بتاكل
دره وعلف مش لانشون وبسطرمه وراح عملو مخا لفه وبعد السواق مامشي وجه
عالكمين التالت فالظابط بيسالو محمل ايه يا اسطي قالو فراخ يا باشا قلو
بتاكلهم ايه بص يا باشا انا بدي كل فرخه نص جنيه وهيه تاكل اللي علي مزجها

مرة واحد غبي ماشى فى الشارع قال يارب يااااارب احط ايدى في جيبى الاقى
10جنيه يااااارب، حط ايده في جيبه لاقاه مخروم رجع يدور عليها لتكون وقعت

واحد غبي عنده ارق ومش عارف ينام....قال له صاحبه عندي لك طريقة للنوم
مؤكدة...عد من واحد الى خمسميه... أخونا مكدبش خبر... وأول ما الدنيا ليلت
راح للسرير وبدا يعد .. واحد .. اثنين .. ولما وصـل الى ميه وتسعة وتسعين
...كبس عليه النوم … قـام جري غـسـل وشه ورجــع للـسـريـر يـكـمـل الـعـد

مرة اتنين أغبية طالعين رحلة فالسواق نزل استراحة ورجع لقى الفتيس مش
موجود قالهم الفتيس راح فين...قالوله لقينك يا عم طول الطريق عمال تشد فيه
مش عارف تخلعه قولنا نشلهولك

مرة واحد غبى واقف في الشارع وبيتكلم فى المحمول وعمال يزعق ويقول : بس
دورى تانى...معلش دورى كويس ..واحد معدى فى الشارع سأله : فيه ايه؟؟ راح
واخد المحمول منه وبيسمع .. لقى (الرقم الذى طلبته غير موجود بالخدمة من
فضلك اعد المحاوله)

إتنين أغبية إشتروا حصانين وعاوزين يفرقوهم عن بعض راح الأولاني قطع ديل
حصانه وقال لزميله أنت حصانك ديله مش مقطوع قاله لا مش باينه، راح شوية
ورجع راح قاطع رجل حصان زميله وقال له حصانك رجله مقطوعة قال له لا مش
باينه، راح قاطع راس حصانه ورجع قاله حصانك راسه مش مقطوعة قاله بيتهيألي
أوضح حاجه إن حصانك بني وحصاني أبيض

مره اتنين مجانين اتفقوا انهم يهربوا من المستشفى واحد قال للتانى لو
لاقينا الصور عالى هنهده لو لاقيناه واطى هنط من فوقيه التانى قاله ماشى
راحوا مالاقوش صور خالص قالوا يخساره المهمه فشلت

مره قرية كلها أغبيا كان فيها حفره كل يوم واحد يقع فيها عملوا مجلس علشان
يشوفوا حل للحفره دي قام واحد وقال يا جماعه احنا نحط عربية اسعاف جنب
الحفره علشان المصابين يتنقلوا بسرعه قام التاني قال احنا نبني مستشفى جنب
الحفره علشان يتنقلوا أسرع قام التالت قالهم يا جامعه انتوا مغلبين نفسكم
ليه احنا نردم الحفرة دي ..ونحفر واحدة تانية جنب المستشفى

واحد راح يشتري عربية .لقى كل العربيات غالية عليه.بعدين لقى عربية قديمة
و عليها تراب كتير بس سعرها مناسب.صاحب المحل قال له العربية دي فيها ميزة
هايلة.بص كدة ..وقام مسح بإيده التراب اللي عليها قام طلع منها عفريت .قال
له :شبيك لبيك تطلب إيه؟ قال له هات شاي للبيه حالاً..في لحظة كانت كباية
الشاي قدام الراجل .قام اشترى العربية فوراً و ساقها و طلع بيها على حتة
أرض فاضية و قام نزل و مسح التراب اللي علي العربية. قام طلع له العفريت.
قاله عايزك تبني لي هنا قصر كبير فيه جنينة و حمام سباحة و ملعب تنس
و..... قام العفريت قال حيلك حيلك إنت فهمت غلط .. أنا شاي و قهوة بس .

مرة واحد مسطول قاعد يفكر مع نفسه ويقول "جمبرى فى الطبق؟ لا لا ارنب فى
الجردل؟ برضه لا مش دى استكوزا فى البانيو؟ يوووة برضه مش دى، انا هتصل
اعرف من الدكتور احسن." راح اتصل بيه وساله "يا دكتور انا عندى ايه؟" قال
له "انا قولت لك ميت مرة انت عندك سرطان فى الحوض"

مرة واحد قابل واحد اخنف فسالة قالة "انت بتشتغل اية؟" فرد علية الاخنف
وقالة "فننان" قالة "يعنى بتغنى" فرد الاخنف "فننان" فرد الاخنف "فننان"
قالة الراجل "يعنى اية بتمثل؟" يعنى فرد الاخنف قالة "لا فننان يعنى بحت
العيش فى الفن"

عد بحث دام عدة سنوات وقف العالم أمام حشد كبير من الناس ومن بينهم علماء

مره مدرس بيقول لتلميذته يعيش السمك في الماء قالتلوا ..يعيش...
يعيش.. يعيش

بلديتنا عايز يعلم ابنه انجليزى راح ابتدائي منفعش، راح ثانوى منفعش، راح
الجامعة منفعش، قال لازم اوديه انجلترا واجوزه واحدة من هناك عشان يعرف
يتكلم انجليزى، راح فى الصباحية بيقولها "مستر هريدى موجود؟" قلتلوا
"نجولو مين؟"

واحد رخم دخل أحد المطاعم وطلب صحن فول، وبعدما خلص من آكله سأل
الجرسون: عايز كام ثمناً للفول، اجابه: 13 قرشاً..مد الخبيث يده في جيبه
وطلع ال13 قرش ورماها على الارض.. وتكرر المشهد 3 أيام متتالية. وفي
اليوم الرابع دخل المطعم ومعهوش فكة فاعطى الجرسون ربع جنيه(25) قرش
وقال له واحد فول، طبعا الجرسون حب ينتقم منه فجاب الباقي(12)قرش ورماهم
على الارض وقال له خذ الباقي، فاخرج الرخم قرش من جيبه ورماه فوق ال( 12)
قرش وقال للجرسون كمان واحد فول

واحد راح لطبيب نفسانى وقاله "مشكلتى يادكتور انى باحس ان الناس كلها مش
طايقانى ومخنوقين منى"
الدكتور قال للممرضة "بسرعة المريض اللى بعده"

أغبيه راحو يلعبو بلياردو، واحد منهم وقف فوق الطرابيزة وقال لهم انا الجوووون

مرة واحد مسئول بيفتتح حمام سباحة فالمدير قال له "ده المنط يا فندم
30متر، قوم نط يا مرزوق" فنط مرزوق . "وده يا فندم منط 50 متر قوم ياعوض
نط" فنط عوض ."وده يا فندم منط 80 متر قوم يا نجيب نط" فنط نجيب، فقال
المسئول "هايل ..هايل .." قام المدير قال "ولسه يا فندم لما نملى الحمام
ميه"

مرة واحد غبي راح للدكتور و قاله "كل منطقة في جسمي بتوجعني" كشف الدكتور
عليه مفيش حاجة وجعته سأله تاني "فين المنطقة اللي بتوجعك"، قاله "هنا و
هنا و هنا" و هو بيشاور بصباعه في كل مكان و قاله "بص يا دكتور حتي راسك
بتوجعني" فاكتشف الدكتور إن صباع المريض مكسور

مرة ثلا ثة دخلو مسابقة لبعض انهم يجيبو اكبر قطة فالأول دخل الغابة
جاب قطة 5 كيلو ، فدخل التاني جاب قطة اكبر شوية 8 كيلو ، فدخل الثالث اسبوع شهر
مجاش دخلو يشوفو لقوه ماسك زلومة الفيل ويقول عتنو نو يعنى عتنو نو

واحد واقف امام محل عصير ومعهوش غير 25قرش قال اشرب عصير ولا اركب
الاوتوبيس لو ركبت الاوتوبيس يا هقف يا هقعد، لو وقفت مش مشكله لو قعدت
هقعد جنب راجل او ست، لو ,راجل مش مشكله لوست يا هتبقي حلوه او وحشه، لو
وحشه مش مشكله لوحلوه هطلبها للجواز، لو رفضت مش مشكله لو وافقت هدفع لها
مهر وشبكه وهتخلف عيال ياخدو فلوسي ويطلعو عيني، وعلي ايه مشرب عصير احسن.

احد حرامى والتانى ندل فالندل بيقول للحرامى علمنى السرقة فسرق محفظة واحد
وقالوا اهوة علمنى انت باة الندالة، راح جه مسكوا
وقال حرامى

واحد غبي معاه 150 جنيه. قاعد يقسمهم ويقول 50 جنيه للسكن، 50 جنيه للأكل،
و50 جنيه للبانجو. الباب خبط. مين. افتح بوليس. راح مقطع الخمسين جنيه
بتاعة البانجو

واحد فافى جدا وهو نازل من البيت أمه سالته رايح فين؟ فقال لها مش هقولك انا حر
، نزل ووقف تاكسى فالسواق ساله على فين يا باشا؟؟؟ قال يعنى أنا مقولتش
لامى هقول لك أنت

غبي حب يغرق ابنه خرم له المايوه

مرة 10 صعايدة بيلعبوا علي الطريق الدائري الي يدهس مرتين يطلع

غبي معدي من امام مزرعة ابقار حب يعرف ازاي البقر بيتزرع دخل يسال الراجل
قاله تجيب شوية سكر وترشهم على الارض وتاني يوم هتلاقي البقر طلع
عمل الغبي زي ما الراجل قاله، صحي تاني يوم لقى نمل مكان السكر فرح اوي وقال
يا حلاوة اكيد هو ده البقر وهو صغير

مرة مدرس انجليزى طلعله عفريت قاله بخ قاله اسبلها

مرة واحد راكب حمار فبيعدى على بنزينة لقا ايه لقا ان العربيات كل ما
يتحطلها بنزين تطلع تجرى راح دخل البنزينة وقال للراجل حط للحمار عشرة لتر
بنزين عشان يجرى اول مالراجل حط للحمار بنزين طلع يجرى ويرفس ويتشنج وجرى
بعيد قام الراجل قاله حطلى انا بقى عشرين عشان الحقه

مره واحد صعيدي راح السنيما هو ومراته اول ما النور طفا قال لها جومى يا واليه شكلهم هيناموا

واحد بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها

مره واحد اشترى لمبه مسمار دقها في الحيط

واحد بلدياتنا وقع من الدور العاشر .. جاله صداع

مذيعة تليفزيون قابلت شاب فى الشارع سألته سؤال جاوب إجابة صحيحة ،
طلبت منه يحب يشوف أيه ، أجاب الشاب بسرعة: أمى الله يرحمها ، ردت
المذيعة مستحيل واترجته انه يطلب طلب آخر ، فكر الشاب ثم قال : أحب
أشوف الزمالك وهو بياخد الدورى ... ردت المذيعة بسرعة لأ أجيبلك مامتك
أسهل.

مرة أغبية سافرو امريكا واحد منهم رجع والتانى مرجعش... فواحد سألة
فين صاحبك؟؟؟ قال له ده اول ما راح هناك اتجنن من ناطحات السحاب وطلع
عمارة 500 دور ... ورمى نفسة من الدور ال 500 ونزل فى 3 ايام .....
قال له ومات ؟؟؟؟ قال له انت عايزه ينزل فى 3 ايام من غير اكل و لا
شرب وما يمتش

واحد في الإمتحان مش عارف يحل والإمتحان كله صح و غلط ، راح مطلع بريزه
ولعب ملك وكتابة على اإمتحان خلص الإمتحان في نص ساعة ،
طلع البريزة تاني
ليه؟
علشان يراجع

والله العظيم النكت دي كلها من موقع مصراوي

تحياتي
الدندورما المقتبسة

الاولي : انتي موتي ازاي ؟؟

الثانية: انا مت متجمدة

الاولي : ياااه. متجمدة؟؟...اكيد اتعذبتي كتييير

الثانية: لا ابدا...هو بس حسييت شوية في الاول ببرد

وابتدي يزيد حبة حبة وبعد كده محسيتش بحاجة ..

الثانية: و انتي ما قولتليش ...موتي ازاي ؟؟

الاولي: مت بالسكتة القلبية

الثانية: ودي جتلك ازاي؟

الاولي: كنت شاكة ان جوزي بيخوني...فقلتله انا رايحة عند ماما وهارجع اخر النهار

وبعد ساعة بالظبط كنت كابسه عليه في البيت ..

لقيته قاعد هاااادي وبيتفرج علي التليفزيون ومش معاه حد

قمت دخلت دورت في كل اوض الشقة وتحت السرير وفي الدولاب

قلت يمكن مخبيها هنا ولا هنا ...مالقتش حاجة يختي ...

قمت اتغظت اووي وفضلت اهري وامكت في نفسي عشان ظلمته

لحد اما جتلي السكتة القلبية

الثانية: يعني انتي لو كنتي لقيتي واحده عنده كنتي فضلتي عايشه؟

الاولي: ااااااااااااه طبـــعا

الثانية: ياريتك كنتي دورتي في الديب فريزر ...كان زمانا احنا الاتنين دلوقتي عايشين

مرة وحدة وحشة جدا بتقول لزوجها نفسى ابقا
عصفورة قال لها وانا نفسى ابقا بندقية

مره واحده قاعده فى الكوافير وبتقول لصحبتها انا خليت جوزى مليونير قلتلها ازاى قامت رده وقالت
اصل لما اتجوزته كان ملياردير

مرة اتنين بيكلموا مع بعد و الاول بيقول تصدق ان الخادم بتاعى غبى اوى التاني رد قال عليه قاله
الخادم بتاعي اغبي منه قاله مانجى نجرب الاول بعت الخادم وقاله هاتلى بربع
جنيه عربية ملاكى والتانى قال للخادم بتاعه روح شوفنى فى النادى هناك
فالخادمين اتقبلوا الاول قاله تصور الرجل يدينى ربع جنيه و يقولى عايز
عربية ملاكي وانهاردة الاحد و المحلات قفلة والتانى قال بيقولى اروح
النادى اشوفه هناك ده حتى مرفعش سمعات التليفون و سال على نفسه

اتنين سكرانين بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو
اظاهر انها الحلقه الاخيره

واحد مسطول راكب طيارة خبط علي كتف المضيفة وسألها الحمام فين؟ قالتله الناحية التانية راح عالكتف التاني وسألها الحمام فين

مرة واحد مسطول ماشي قدام مزرعه لقى مكتوب عليها من بره ((مزرعة عجول))
دخل للبواب وقاله "يا عم انت بتزرعوا العجول ازااااي ؟" البواب شافه مسطول
قال اراضيه بكلمه علشان يمشي قاله "احنا بنرمي السكر على الارض وتاني يوم
بتطلع العجول." روح المسطول البيت ورمى سكر على الارض تاني يوم لقى النمل
كتييييييير على الارض قلهم "يا حلاوة العجول وهي صغيرة

واحد كان عنده كتكوت مفترس ، كل ما يدخله قفص الفراخ يقوم الكتكوت ياكلهم
، وفي قفص القرود ياكلهم ، وفي قفص القطط ياكلهم ، راح راميه في الصحرا .
صعب عليه الكتكوت وراح يشوفه بعد 3 أيام ، لقى الكتكوت مرمي عالأرض
والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال
له : يخرب بيتك بوظت الكمين

واحد اخترع حبوب للحامل علشان المولود يطلع مؤدب وكل مولود فعلا نزل مؤدب
. واحدة اخدت الحبوب وماولدتش في المعاد فراحت للدكتور عملها ولادة قيصرية
، لقى توأم كل واحد بيعزم علي التانى ويقول له اتفضل إنت الأول .

يقولك فيه حرامي دخل بيت عشان يسرق
وهو يفتش في البيت طلعت عليه صاحبه البيت وكانت تخينه اوي ومسكته ورمته على الارض وقعدت عليه
وراحت تنادي ولدها: محمد انده ابوك من على القهوه
الحرامي قاله بسرعه يا محمد وحياة والدك بسرعة
بس خلاص
اتمنى انها تعجبكم

ههههههههههههههههههه نكتين جامدين
خد دى بقا

محمدين واقف فى الشارع ماسك حتة ثلج عمال يبصلها
فمعدى حسنين من جمبه فقالو ماكل يا محمدين واقف كدة ليه
قالو اموت واعرف بتخر منين

مرة واحد ندل ركب اتوبيس شاف واحدة قاعدة،
بصلها بصتله،
غمزلها غمزتله،
قالها انزلي المحطة اللي جاية،
نزلت راح قاعد مكانها

بلدياتنا بيعمل كشف نظر طلع نظره 6/6 فصاحبه بيقوله مش كده تمام قاله
أنا كنت ممكن أجيب أكتر من كده بس الدكتور اللي لخبطني .

بلدياتنا دخل راسه فى قفص الاسد
الحارس قاله انت بتعمل ايه يا بويا
قاله يا عم ما تخافش واحنا هناكله

10 بلدياتنا بيتعلموا ربط الكرافتة 6 ماتوا و 4 في حاله حرجه.

بلدياتنا واقف قدامه خمس شياطين واحد يوسوسله و اربعه يفهموه

بلدياتنا بيلعبوا شطرنج الملك مات مشلول .

بيسألوا واحد بلدياتنا بيقولوله المصري بنى الأهرامات والياباني بنى إيه قالهم بنا سونيك .

واحد بلدياتنا حب يعمل روش كتب على الشومة أديداس

بلدياتنا راح أمريكا لقى الناس لابسين تي شيرتات مكتوب عليها بيبسى و كوكاكولا لما رجع البلد كتب على التي شيرت بتاعه عصير جصب

بلدياتنا جاى ينزل من باب العربية لقي الدنيا بتمطر راح نازل من الباب التاني .

بلدياتنا أشتري عربية شبح طلع علي الطريق السريع عشان يجربها فشغل الراديو لقي المذيع بيقول هنا لندن الصعيدي قال يلعن أبو السرعة .

الواد: بتعمل اية يابا؟؟
ابوه: بكتب جواب لعمك
الواد: هو انت بتعرف تكتب؟؟
ابوه: يعني هو عمك اللي بيعرف يقرا